Baby Bag

,,თქვენი შვილები მე-5 კლასიდან დაიწყებენ მეორე უცხოური ენის შესწავლას...'' - რა უნდა იცოდნენ მშობლებმა აღნიშნულის შესახებ?

,,თქვენი შვილები მე-5 კლასიდან დაიწყებენ მეორე უცხოური ენის შესწავლას...'' - რა უნდა იცოდნენ მშობლებმა აღნიშნულის შესახებ?

განათლებისა და მეცნიერების სამინისტროს სკოლამდელი და ზოგადი განათლების დეპარტამენტის უფროსის მოადგილე მარიამ ჩიქობავა დაწყებითი კლასების მოსწავლეთა მშობლებს მიმართავს:

,,დაწყებითი კლასების მშობლების საყურადღებოდ! კონკრეტულად კი - მე-4 კლასის მშობლების საყურადღებოდ!

თქვენი შვილები მე-5 კლასიდან დაიწყებენ მეორე უცხოური ენის შესწავლას:

  • მეორე უცხოური ენა არჩევითია;
  • ის შეიძლება იყოს ნებისმიერი ენა;
  • სკოლამ აუცილებლად უნდა შემოგთავაზოთ არჩევანი მინიმუმ ორ უცხოურ ენას შორის (ინგლისური არ ითვლება, ისედაც სავალდებულოა პირველივე კლასიდან);
  • თუ მშობლების უმრავლესობამ აირჩია მაგ. გერმანული ენა, თქვენ კი გსურთ, რომ თქვენმა შვილმა ისწავლოს ფრანგული ენა, აქ 2 ვარიანტი გრჩებათ: ა) ფრანგული ენის მსურველების გარკვეული რაოდენობა მოგროვდეს თქვენი შვილის კლასშივე და სკოლამ დაგიდასტუროთ, რომ აქვს ფინანსური შესაძლებლობა, რომ განაყოფებს სხვადასხვა ენა შესთავაზოს, ან ბ) პარალელურ კლასიდან/კლასებიდან მოგროვდნენ ფრანგული ენის მსურველი მშობლები/მოსწავლეები და ასე შეიკრას ფრანგული ენის ჯგუფი;
  • სკოლამ შეიძლება გითხრათ, რომ მათ არ ჰყავთ მაგალითად ფრანგულის მასწავლებელი და ამ მიზეზით ვერ შემოგთავაზებთ ამ ენას. სწორედ ამიტომ, ახლავე მოითხოვეთ ამ საკითხის გარკვევა. სექტემბრამდე საკმარისი დროა იმისთვის, რომ სკოლამ გამოაცხადოს შესაბამისი საგნის მასწავლებლის ვაკანსია. ნუ, თუ მსურველი არ გამოჩნდა, ან ვერ შეირჩა, მაშინ შესაძლოა, დათანხმდეთ სკოლის მიერ შემოთავაზებულ არჩევანს, ან სხვა სკოლაში გადაიყვანოთ თქვენი შვილი, სადაც სწორედ ფრანგული ისწავლება.
  • დაბოლოს, თანდათან ძალიან პოპულარული ხდება იტალიური ენის სწავლება. რადგან იტალიის მთავრობა და საელჩო სკოლებს აქტიურად უჭერს მხარს. კერძოდ, იტალიის საგარეო საქმეთა სამინისტროს მიერ უზრუნველყოფილია მაღალი ხარისხის სახელმძღვანელოები, შესაბამისად მომზადებული მასწავლებლები, ასევე მცირე საგრანტო დაფინანსება სკოლებისთვის.

ამ ეტაპზე, იტალიის საელჩო გვთავაზობს შესაძლებლობას, მხოლოდ თბილისის მასშტაბით დამატებითი სკოლები ჩართოს პროგრამაში და სკოლების სურვილის შემთხვევაში მე-5 ან მე-10 კლასებში იტალიური ენის, როგორც მეორე უცხოური ენის სწავლებას დაუჭიროს მხარი.

სურვილის შემთხვევაში, უნდა დაუკავშირდეთ ორგანიზაციას „მინერვა“ (იტალიური ენის სწავლების კოორდინატორი იტალიის საელჩოსა და საქართველოს განათლებისა და მეცნიერების სამინისტროს შორის) ხუთშაბათს, 17 მარტიდან, მაქსიმუმ პარასკევს 25 მარტამდე. (თბილისის რესურსცენტრებს აქვთ ეს ინფორმაცია ეკა ლეჟავასგან)

მშობლებო, იმედია, თქვენი შვილების მომავალ საგანმანათლებლო პერსპექტივებს (ამერიკულის გარდა) სწორედ ევროპულ უმაღლეს საგანმანათლებლო დაწესებულებებში ხედავთ, სადაც შესაძლებელია საგრანტო დაფინანსების მოპოვება, თუკი ადგილობრივ ენაზე მიიღებს სტუდენტი განათლებას. ამდენად, თქვენს შვილებს აუცილებლად დასჭირდებათ ენის ფლობა აკადემიურ დონეზე. მე-5 კლასიდან მე-12 კლასის ჩათვლით შესაბამისი უცხოური ენის შესწავლა კარგი საფუძველია შემდგომში ხარისხიანი ევროპული განათლების მისაღებად.

ამიტომ მოითხოვეთ თქვენი შვილებისთვის საუკეთესო!'' - აღნიშნავს მარიამ ჩიქობავა. 

შეიძლება დაინტერესდეთ

პედაგოგები მუსიკის მასწავლებელთა კომპეტენციის დადასტურების საგამოცდო ტესტში არაპროგრამული საკითხების გამო დავობენ

პედაგოგები მუსიკის მასწავლებელთა კომპეტენციის დადასტურების საგამოცდო ტესტში არაპროგრამული საკითხების გამო დავობენ

პედაგოგები მუსიკის მასწავლებელთა კომპეტენციის დადასტურების საგამოცდო ტესტში არაპროგრამული საკითხების გამო დავობენ. მათ ​MomsEdu.ge-ს ტექსტი გამოუგზავნეს, სადაც დეტალურადაა ახსნილი, რას აპროტესტებენ. გთავაზობთ მუსიკის პედაგოგთა განცხადებას:

„მოგახსენებთ, რომ 22 ივლისს ჩატარდა მუსიკის მასწავლებელთა კომპეტენციის დადასტურების გამოცდა. ჩვენ, აპლიკანტები, გამოცდისათვის შესაბამისი პროგრამით მოვემზადეთ, რომელიც გამოცდების ეროვნული ცენტრის მიერაა შედგენილი. გამოცდაზე პედაგოგებმა აღმოვაჩინეთ და შემდეგ, ერთმანეთთან გასაუბრების მერე დავასკვენით, რომ საგამოცდო ტესტში ნამდვილად იყო შესული არაპროგრამული საკითხები:

1. არჩილ კერესელიძე (1 ქულა)

2. მუსიკა კინოფილმიდან „სხვისი შვილები“ (1 ქულა)

3. ანდრია ბალანჩივაძე, „რიწის ტბა“ (1 ქულა)

4. რევაზ ლაღიძე, „რონდო-ტოკატა“ (1 ქულა)

5. რობერტ შუმანი, "კონცერტი" (1 ქულა)

აქედან გამომდინარე, ჩვენ ვდავობთ 5 ქულაზე: ან უნდა მოხდეს აპლიკანტის მიღებულ შედეგზე 5 ქულის დამატება, ან ბარიერის დაწევა 5 ქულით“, - აღნიშნულია მუსიკის პედაგოგთა მიერ გამოგზავნილ განცხადებაში.

წაიკითხეთ სრულად