Baby Bag

„თუ მასწავლებელს რწმენა არ აქვს, მას ყოველთვის შეეშლება ბავშვთან ურთიერთობაში და გადავა ძალაობაზე,“ - შალვა ამონაშვილი

„თუ მასწავლებელს რწმენა არ აქვს, მას ყოველთვის შეეშლება ბავშვთან ურთიერთობაში და გადავა ძალაობაზე,“ - შალვა ამონაშვილი

აკადემიკოსმა შალვა ამონაშვილმა ჰუმანური პედაგოგიკის ქრისტიანული საფუძვლების შესახებ ისაუბრა. მისი თქმით, კლასიკური პედაგოგიკა მთლიანად ქრისტიანობას ეფუძნება:

„ჰუმანური პედაგოგიკა ქრისტიანობიდან გამოდის. კლასიკური პედაგოგიკა მთლიანად ქრისტიანობას ეყრდნობა. ქრისტიანობაში არის თავისი მცნებები და დებულებები: „გიყვარდეს მოყვასი შენი.“ ​თუ მასწავლებელს უყვარს მოყვასი თვისი, ყველა ბავშვი მოყვასიაის ცელქიც, ის მოუსვენარიც, ის, დავალება რომ არ შეასრულა, გაკვეთილი რომ ჩაუშალა, ყველა მოყვასია."

თუ მასწავლებელს რწმენა არ აქვს, ღვთის რწმენა, ან რაღაც კეთილის რწმენა (მაგრამ ღვთისა ყველაზე მთავარია), თუ რწმენა არ აქვს და იქიდან არ გამოაქვს მეთოდები და პრინციპები, მას ყოველთვის შეეშლება ბავშვთან ურთიერთობაში და გადავა ძალაობაზე. ახლაც ხდება ასეთები,“ - აღნიშნულ საკითხზე შალვა ამონაშვილმა საპატრიარქოს ტელევიზიის ეთერში ისაუბრა.

წყარო:​ საპატრიარქოს ტელევიზია

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ვისაც სწავლა უნდა, ისწავლის, არ არის სწორი დებულება. ეს ნიშნავს იმას, რომ ხელი ჩავიქნიოთ...
​ცნობილი პედაგოგი და ფსიქოლოგი ​შალვა ამონაშვილი დისტანციური სწავლების პრობლემებსა და პერსპექტივებზე საუბრობს. მისი თქმით, მასწავლებლებმა დისტანციურ რეჟიმში სწავლების იმავე მეთოდებს არ უნდა...

შეიძლება დაინტერესდეთ

ახალი საგანი, რომელიც პირველიდან მე-12 კლასის ჩათვლით ისწავლება და მოსწავლეებისთვის თამაშით ბიზნესის საფუძვლების გაცნობას ისახავს მიზნად

ახალი საგანი, რომელიც პირველიდან მე-12 კლასის ჩათვლით ისწავლება და მოსწავლეებისთვის თამაშით ბიზნესის საფუძვლების გაცნობას ისახავს მიზნად
მასწავლებელმა მარიამ ბოლქვაძემ, რომელიც კერძო სკოლაში ბიზნეს უნარების მიმართულების ხელმძღვანელია და მოსწავლეებს ბიზნესსა და ლიდერობას ასწავლის, ახალი საგანი დანერგა. ბიზნეს განათლება პირველიდან მე-12 კლასის ჩათვლით ისწავლება და ინტეგრირებულ გაკვეთილებსაც მოიცავს. პროგრამის შესახებ საინტერესო დეტალების გასაგებად ​MomsEdu.ge მარიამს ესაუბრა. 

- მარიამ, მოგვიყევით თქვენ მიერ შექმნილი ბიზნეს უნარების პროგრამის შესახებ. უფრო კონკრეტულად რა გულისხმობს ბიზნეს განათლება?
-  ბიზნეს უნარები ჩემი საავტორო პროგრამაა და განკუთვნილია სკოლის მოსწავლეებისთვის პირველიდან მეთორმეტე კლასის ჩათვლით. პროგრამა მიზნად ისახავს მოსწავლეებისთვის თამაშით ბიზნესის საფუძვლების გაცნობას, ისეთი უნარ-ჩვევების შეძენას, რაც ყველა პროფესიის ადამიანისთვის საჭიროა. ბიზნეს უნარები ავითარებს ლოგიკურ აზროვნებას, ლიდერულ და დივერგენტულ უნარებს, პრეზენტაბელურობას, გუნდურობას, კრიტიკულ აზროვნებას. აღსანიშნავია, რომ პროგრამა ორენოვანია: ქართული და ინგლისური.



- პროგრამით სწავლებისას რომელ ნაწილს ენიჭება უპირატესობა - პრაქტიკულს თუ თეორიულს?

- საგაკვეთილო პროცესი, უმთავრესად, პრაქტიკულია. მცირე, ძირითადი თეორიული მასალის გაცნობა ხდება და შემდეგ მის ირგვლივ აქტივობები. მოსწავლეები ეტაპობრივად შეისწავლიან ბიზნეს ტერმინოლოგიას, ლიდერობას, პრეზენტაციის კეთებას, სიტყვით გამოსვლას, ბიზნეს გეგმის წერას, შეხვედრებისა და მოლაპარაკებების წარმოებას, პროექტების წერას, ლიდერულ სტილებს მმართველობისას. მარკეტინგის, ფინანსების, მეწარმეობის, ორგანიზაციული ქცევის, ადამიანური რესურსების საფუძვლებია გაკეთებული ქეისებით და თამაშებით, რომ ბავშვისთვის საინტერესო იყოს. მოსწავლეებს ასევე აქვთ სიმულაციები, როლური თამაში ე.წ. role plays, სხვადასხვა ქარხანაში ექსკურსიები, პროექტები, აწარმოებენ საკუთარ ბიზნესს, რომელზეც ადგენენ პიარ გეგმას და ახორციელებენ. მუშაობენ კონკურენტულ უპირატესობებზე. 

 

- რა არის პროგრამის უპირატესობები?

- პროგრამის უპირატესობებია: ინგლისურენოვანი სწავლება, თამაშით სწავლება, განსხვავებული პროექტები, სიმულაციები, რეალური ქეისების განხილვა, კრეატიული სასწავლო პროცესი.

- რამდენი ხანია, რაც ეს პროგრამა შეიქმნა და რა შედეგები გაქვთ მოსწავლეებთან?

- 2 წელია, პროგრამა აქტიურად ხორციელდება და მუდმივად იხვეწება. ბავშვებს ძალიან მოსწონთ, აქტიურად არიან ჩართულები სახალისო დავალებების შესრულებაში, განსაკუთრებით მოსწონთ სიმულაციური თამაშები და როლური თამაშები.

- თუ უზიარებთ პროგრამას სხვა მასწავლებლებს და რამდენად კმაყოფილები არიან?

- დიახ. ინტეგრირებული გაკვეთილები გვაქვს, მაგალითად, ინგლისურთან, ფიზიკასთან - ინოვაციური მოწყობილობის შექმნის კუთხით, შემდეგ მოსწავლეები იდეას ბიზნესად აქცევენ. აღნიშნული პროცესი კი მათთვის ძალიან საინტერესო გამოდის. 

- დაბოლოს, სამომავლო გეგმებზეც რომ გვესაუბროთ.

- სამომავლოდ ვგეგმავ ბიზნეს კონკურსების ორგანიზებას და რაც შეიძლება მეტი მოსწავლის ჩართვას პროგრამაში.

წაიკითხეთ სრულად