Baby Bag

ერთიანი ეროვნული გამოცდების აპელაციის შედეგები და გათანაბრებული ქულები ცნობილია

ერთიანი ეროვნული გამოცდების აპელაციის შედეგები და გათანაბრებული ქულები ცნობილია
შეფასებისა და გამოცდების ეროვნული ცენტრი ერთიანი ეროვნული გამოცდებისა და სტუდენტთა საგრანტო კონკურსის აპელაციის შედეგებს აქვეყნებს.

ცენტრის ცნობით, აბიტურიენტებს საშუალება აქვთ, საკუთარი შედეგების გვერდზე იხილონ გათანაბრებული და სკალირებული ქულებიც.
„შეგახსენებთ: იმ საგნებში, რომლებშიც ერთზე მეტი ვარიანტი იყო, ხდება ნედლი ქულების გათანაბრება, რის შედეგადაც, ის აბიტურიენტი, რომლის გათანაბრებული ქულაც მინიმალურ ზღვარზე მეტია, აგრძელებს კონკურსში მონაწილეობას.
შედეგების გასაჩივრებასთან დაკავშირებით შექმნილი საგნობრივი კომისიის გადაწყვეტილება ტესტური დავალების შეფასების სისწორესთან დაკავშირებით შეიძლება გასაჩივრდეს აპელაციის შედეგების გამოქვეყნებიდან ერთი თვის ვადაში თბილისის საქალაქო სასამართლოში (მის.: თბილისი, აღმაშენებლის ხეივანი მე-12 კმ, №6).
აბიტურიენტებისათვის საგანმანათლებლო პროგრამების რეიტინგულ სიაში ცვლილებების შეტანის ვადა 27 აგვისტოს 18:00 საათზე იწურება. აბიტურიენტებს ვთხოვთ, გაითვალისწინონ, რომ კონკრეტული ვადის ამოწურვის შემდეგ საგანმანათლებლო პროგრამების პრიორიტეტულ ჩამონათვალს ვეღარ შეცვლიან,“ - წერია შეფასებისა და გამოცდების ეროვნული ცენტრის მიერ გავრცელებულ ინფორმაციაში

იხილეთ გათანაბრებული ქულების ცხრილირომელიც გვიჩვენებს, რა ქულა შეესაბამება აპელაციებისა და გათანაბრების შემდეგ ტესტის თითოეულ საგანსა და ვარიანტში მიღებულ ნედლ ქულას.

შეიძლება დაინტერესდეთ

,,პრაქტიკოს მასწავლებლებს ჩვენ ვაძლევთ ბოლო შანსს...რა მოხდება შემდგომ?''

,,პრაქტიკოს მასწავლებლებს ჩვენ ვაძლევთ ბოლო შანსს...რა მოხდება შემდგომ?''

,,პრაქტიკოს მასწავლებლებს ჩვენ ვაძლევთ ბოლო შანსს, რომ დაასრულონ ის პროცესი, რომელიც დაიწყეს 1, 2 ან 3 წლის წინ. . . ამის შანსი მათ მეტჯერ აღარ მიეცემათ.. რა მოხდება შემდგომ? ვიცით, რომ მასწავლებელთა კარიერული წინსვლის სქემა შეწყდა. რა გზის გავლა მოუწევთ მასწავლებლის პროფესიაში შესვლის მსურველებს,'' - აღნიშნულის შესახებ მასწავლებელთა პროფესიული განვითარების ცენტრის ხელმძღვანელმა ბერიკა შუკაკიძემ გადაცემაში ,,ZOOM განათლებაზე'' ისაუბრა.

ნახეთ ვიდეო ☝️


წაიკითხეთ სრულად