Baby Bag

2020-2021 სასწავლო წლისათვის სახელმწიფო სასწავლო გრანტის წლიური მოცულობები, ოდენობები და პროგრამული დაფინანსების მოცულობა განისაზღვრა

2020-2021 სასწავლო წლისათვის სახელმწიფო სასწავლო გრანტის წლიური მოცულობები, ოდენობები და პროგრამული დაფინანსების მოცულობა განისაზღვრა
აბიტურიენტები

საქართველოს მთავრობის დადგენილებით 2020-2021 სასწავლო წლისათვის სახელმწიფო სასწავლო გრანტის წლიური მოცულობები, ოდენობები და პროგრამული დაფინანსების მოცულობა განისაზღვრა.

2020-2021 სასწავლო წელს საქართველოს განათლების, მეცნიერების, კულტურისა და სპორტის სამინისტროს მიერ დამტკიცებული სახელმწიფოს მიერ დაფუძნებული უმაღლესი საგანმანათლებლო დაწესებულების ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარიის ინტეგრირებული სამაგისტრო, დიპლომირებული მედიკოსის/ სტომატოლოგის აკრედიტებული საგანმანათლებლო პროგრამების პროგრამული მიმართულების/მიმართულებების პროგრამული დაფინანსების მოცულობა განისაზღვროს 12 723 750 (თორმეტი მილიონ შვიდას ოცდასამი ათას შვიდას ორმოცდაათი) ლარით. უმაღლეს საგანმანათლებლო დაწესებულებებზე პროგრამული დაფინანსების გაცემის წესსა და პირობებს ამტკიცებს საქართველოს განათლების, მეცნიერების, კულტურისა და სპორტის სამინისტრო.

2. ერთიანი ეროვნული გამოცდების საფუძველზე გასაცემი სახელმწიფო სასწავლო გრანტის წლიური მოცულობა განისაზღვროს 12 600 000 (თორმეტი მილიონ ექვსასი ათასი) ლარით.

3. სრული და ნაწილობრივი ოდენობის სახელმწიფო სასწავლო გრანტები ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარიის ინტეგრირებული სამაგისტრო, დიპლომირებული მედიკოსის/სტომატოლოგის აკრედიტებული საგანმანათლებლო პროგრამის ფარგლებში ჩარიცხული სტუდენტებისათვის გაიცემა 9 155 000 (ცხრა მილიონ ას ორმოცდათხუთმეტი ათასი) ლარის ფარგლებში.

4. 2020-2021 სასწავლო წელს ერთიანი ეროვნული გამოცდების საფუძველზე გასაცემი სახელმწიფო სასწავლო გრანტის სრული ოდენობა განისაზღვროს 2 250 ლარით.

5. თუ სტუდენტმა მოიპოვა სახელმწიფო სასწავლო გრანტის სრული ოდენობა, კერძო სამართლის იურიდიული პირის – უმაღლესი საგანმანათლებლო დაწესებულების სტუდენტის ამ დაწესებულების მიერ დადგენილ სწა­­ვლის საფასურს სახელმწიფო ფარავს მხოლოდ სახელმწიფო სასწავლო გრანტის სრული ოდენობის ფარგლებში.

6. 2020-2021 სასწავლო წელს ერთიანი ეროვნული გამოცდების საფუძველზე გასაცემი სახელმწიფო სასწავლო გრანტის ნაწილობრივი ოდენობები კერძო და საჯარო სამართლის იურიდიულ პირებში – უმაღლეს საგანმანათლებლო დაწესებულებებში სწავლის დასაფინანსებლად განისაზღვროს შემდეგნაირად:

ა) სრული ოდენობის 70 პროცენტი, მაგრამ არაუმეტეს 1 575 ლარისა;

ბ) სრული ოდენობის 50 პროცენტი, მაგრამ არაუმეტეს 1 125 ლარისა.

7. ამ მუხლის მე-3 პუნქტით გათვალისწინებული თანხა:

ა) განაწილდეს ერთიანი ეროვნული გამოცდების შემდეგ საგნებზე:

ა.ა) მათემატიკა;

ა.ბ) ბიოლოგია;

ა.გ) ქიმია;

ა.დ) ფიზიკა;

ა.ე) ზოგადი უნარები;

ა.ვ) ისტორია;

ა.ზ) გეოგრაფია;

ა.თ) ლიტერატურა;

ა.ი) სახვითი და გამოყენებითი ხელოვნება;

ა.კ) სამოქალაქო განათლება;

ბ) ამ პუნქტის „ა.ა“ – „ა.კ“ ქვეპუნქტებით განსაზღვრულ საგნებზე განაწილდეს შემდეგი პრინციპის დაცვით:

ბ.ა) ამ პუნქტის „ა“ ქვეპუნქტის „ა.ა“ – „ა.ე“ ქვეპუნქტებით გათვალისწინებული საგნებისათვის პრიორიტეტულ წონად განისაზღვროს 1.4, ხოლო „ა.ვ“ – „ა.კ“ ქვეპუნქტებით გათვალისწინებული საგნებისათვის – 1;

ბ.ბ) ამ მუხლის მე-3 პუნქტით გათვალისწინებული თანხის 5% თანაბრად განაწილდეს ამ პუნქტის „ა“ ქვეპუნქტით განსაზღვრულ საგნებზე. იმ შემთხვევაში, თუ არცერთი უმაღლესი საგანმანათლებლო დაწესებულების მიერ დამატებით საგნად არ არის განსაზღვრული ამ პუნქტის „ა“ ქვეპუნქტით განსაზღვრული ერთი ან რამდენიმე საგანი, ამ საგნისთვის/საგნებისთვის განკუთვნილი თანხა თანაბრად ნაწილდება დანარჩენ საგნებზე;

ბ.გ) ამ მუხლის მე-3 პუნქტით გათვალისწინებული თანხის 95% პროპორციულად განაწილდეს უმაღლესი საგანმანათლებლო დაწესებულებების მიერ ამ პუნქტის „ა“ ქვეპუნქტით განსაზღვრული საგნებისათვის გამოცხადებული ადგილების რაოდენობის შესაბამისად, საგნებისათვის მინიჭებული პრიორიტეტული წონის გათვალისწინებით;

ბ.დ) ამ პუნქტის „ბ“ ქვეპუნქტის „ბ.გ“ ქვეპუნქტში მითითებული თითოეული საგნისათვის გამოცხადებული ადგილების რაოდენობის განსაზღვრისას:

ბ.დ.ა) თუ უმაღლესმა საგანმანათლებლო დაწესებულებამ აკადემიურ პროგრამაზე ჩარიცხვისათვის დააწესა დამატებითი გამოცდა, ამ პროგრამისათვის გამოცხადებული ადგილების რაოდენობის ნახევარი ითვლება საქართველოს განათლებისა და მეცნიერების მინისტრის 2011 წლის 18 თებერვლის №19/ნ ბრძანების №1 დანართით დამტკიცებული „ერთიანი ეროვნული გამოცდების ჩატარების დებულების“ (შემდგომში – დებულება) მე-6 მუხლის მე-2 პუნქტის „გ“ ქვეპუნქტით განსაზღვრული საგნისათვის გამოცხადებული ადგილების რაოდენობად, ხოლო ნახევარი – დებულების მე-6 მუხლის მე-5 პუნქტით გათვალისწინებული საგნისთვის გამოცხადებული ადგილების რაოდენობად. უმაღლესი საგანმანათლებლო დაწესებულების მიერ სავალდებულო საგნად დებულების მე-6 მუხლის მე-2 პუნქტის „გ“ ქვეპუნქტით გათვალისწინებული ორივე საგნის განსაზღვრის ან დამატებითი გამოცდის რამდენიმე საგანში დაწესების შემთხვევაში, ამ საგნებისათვის გამოცხადებული ადგილების რაოდენობად ითვლება მათთვის დადგენილი აბიტურიენტთა მინიმალური კვოტის ნახევარი;

ბ.დ.ბ) დებულების მე-6 მუხლის მე-8 პუნქტით გათვალისწინებული საგანმანათლებლო პროგრამების შემთხვევაში, თითოეული პროგრამისათვის გამოცხადებული ადგილების რაოდენობის ნახევარი ითვლება ბიოლოგიის საგნისათვის გამოცხადებული ადგილების რაოდენობად, ხოლო ნახევარი – დებულების მე-6 მუხლის მე-8 პუნქტის „ბ“ ქვეპუნქტით გათვალისწინებული საგნებისათვის გამოყოფილად, მათთვის დადგენილი აბიტურიენტების მინიმალური კვოტის გათვალისწინებით;

გ) ამ პუნქტის „ბ“ ქვეპუნქტის შესაბამისად თანხის განაწილების შემდეგ თანხის დარჩენის შემთხვევაში, დარჩენილი თანხა ნაწილდება იმ საგანზე, რომელზეც ამ პუნქტის „ბ“ ქვეპუნქტის შესაბამისად თანხის განაწილების შემდეგ მეტი თანხა განაწილდა;

დ) ამ პუნქტით დადგენილი განაწილების შედეგად მიღებული თანხის 25% განაწილდება სახელმწიფო სასწავლო გრანტის სრული ოდენობით (100 პროცენტით) დაფინანსებისათვის, 25% განაწილდება სახელმწიფო სასწავლო გრანტის სრული ოდენობის 70 პროცენტით დაფინანსებისთვის, ხოლო 50% – სრული ოდენობის 50 პროცენტით დაფინანსებისათვის.

8. ამ მუხლის მე-2 – მე-7 პუნქტებით დადგენილი წესი არ გამოიყენება ერთიანი ეროვნული გამოცდების მხოლოდ ზოგადი უნარების აზერბაიჯანულენოვანი, სომხურენოვანი, აფხაზური ენისა და ოსური ენის ტესტების შედეგების საფუძველზე ჩარიცხული იმ სტუდენტების სახელმწიფო სასწავლო გრანტით დაფინანსებისას, რომლებიც გადიან ქართულ ენაში მომზადების საგანმანათლებლო პროგრამას. ამ სტუდენტთათვის 2020-2021 სასწავლო წელს ერთიანი ეროვნული გამოცდების საფუძველზე გასაცემი სახელმწიფო სასწავლო გრანტის ოდენობა შეადგენს 2 250 ლარს.

9. თუ ერთიანი ეროვნული გამოცდების მხოლოდ ზოგადი უნარების აზერბაიჯანულენოვანი, სომხურენოვანი, აფხაზური ენისა და ოსური ენის ტესტების შედეგების საფუძველზე ჩარიცხულმა სტუდენტმა მოიპოვა სახელმწიფო სასწავლო გრანტი, კერძო სამართლის იურიდიული პირის – უმაღლესი საგანმანათლებლო დაწესებულების სტუდენტის ამ დაწესებულების მიერ დადგენილ სწავლის საფასურს სახელმწიფო ფარავს მხოლოდ ამ მუხლის მე-8 პუნქტით დადგენილი სახელმწიფო სასწავლო გრანტის ოდენობის ფარგლებში.

10. „უმაღლესი განათლების შესახებ“ საქართველოს კანონის მე-6 მუხლის პირველი პუნქტის „გ“ ქვეპუნქტით გათვალისწინებულ სტუდენტთა სოციალური პროგრამის ფარგლებში დაფინანსება შეადგენს 2 520 000 (ორი მილიონ ხუთას ოცი ათასი) ლარს.

11. „უმაღლესი განათლების შესახებ“ საქართველოს კანონის მე-80 მუხლის მე-2 პუნქტით გათვალისწინებული უცხო ქვეყნის მოქალაქეთა დაფინანსება შეადგენს 240 000 (ორას ორმოცი ათასი) ლარს, რომელიც გაიცემა საქართველოს განათლების, მეცნიერების, კულტურისა და სპორტის სამინისტროს მიერ განსაზღვრული სახელმწიფო პროგრამის შესაბამისად.

12. ერთიანი ეროვნული გამოცდების მხოლოდ ზოგადი უნარების აზერბაიჯანულენოვანი ტესტის შედეგების საფუძველზე ჩარიცხულ სტუდენტთა სახელმწიფო სასწავლო გრანტით დაფინანსება შეადგენს 225 000 (ორას ოცდახუთი ათასი) ლარს.

13. ერთიანი ეროვნული გამოცდების მხოლოდ ზოგადი უნარების სომხურენოვანი ტესტის შედეგების საფუძველზე ჩარიცხულ სტუდენტთა სახელმწიფო სასწავლო გრანტით დაფინანსება შეადგენს 225 000 (ორას ოცდახუთი ათასი) ლარს.

14. ერთიანი ეროვნული გამოცდების მხოლოდ აფხაზური ენის ტესტის შედეგების საფუძველზე ჩარიცხულ სტუდენტთა სახელმწიფო სასწავლო გრანტით დაფინანსება შეადგენს 10 000 (ათი ათასი) ლარს.

15. ერთიანი ეროვნული გამოცდების მხოლოდ ოსური ენის ტესტის შედეგების საფუძველზე ჩარიცხულ სტუდენტთა სახელმწიფო სასწავლო გრანტით დაფინანსება შეადგენს 10 000 (ათი ათასი) ლარს.

16. იმ აბიტურიენტთა დაფინანსება, რომელთაც ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარიის ინტეგრირებული სამაგისტრო, დიპლომირებული მედიკოსის/სტომატოლოგის აკრედიტებულ საგანმანათლებლო პროგრამაზე აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის სახელმწიფო სასწავლო გრანტის სრული ოდენობისათვის გამოყოფილი თანხა, განხორციელდება სახელმწიფო სასწავლო გრანტის სრული ოდენობის 70 პროცენტისთვის გამოყოფილი თანხიდან, კანონმდებლობით დადგენილი წესით. ამ შემთხვევაში, სახელმწიფო სასწავლო გრანტის სრული ოდენობისათვის გამოყოფილი თანხის დარჩენილი ნაწილი ემატება სახელმწიფო სასწავლო გრანტის სრული ოდენობის 70 პროცენტისათვის გამოყოფილ თანხას.

17. იმ აბიტურიენტთა დაფინანსება, რომელთაც ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარიის ინტეგრირებული სამაგისტრო, დიპლომირებული მედიკოსის/სტომატოლოგის აკრედიტებულ საგანმანათლებლო პროგრამაზე აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის სახელმწიფო სასწავლო გრანტის სრული ოდენობის 70 პროცენტისათვის გამოყოფილი თანხა, განხორციელდება სახელმწიფო სასწავლო გრანტის სრული ოდენობის 50 პროცენტისათვის გამოყოფილი თანხიდან, კანონმდებლობით დადგენილი წესით. ამ შემთხვევაში, სახელმწიფო სასწავლო გრანტის სრული ოდენობის 70 პროცენტისათვის გამოყოფილი თანხის დარჩენილი ნაწილი ემატება სახელმწიფო სასწავლო გრანტის სრული ოდენობის 50 პროცენტისათვის გამოყოფილ თანხას.

18. ის აბიტურიენტები, რომელთაც ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარიის ინტეგრირებული სამაგისტრო, დიპლომირებული მედიკოსის/ სტომატოლოგის აკრედიტებულ საგანმანათლებლო პროგრამაზე აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის სახელმწიფო სასწავლო გრანტის სრული ოდენობის 50 პროცენტისათვის გამოყოფილი თანხა, დაფინანსებას არ მიიღებენ.

19. ამ მუხლის მე-16 – მე-18 პუნქტებით გათვალისწინებული განაწილების შედეგად ამ მუხლის მე-7 პუნქტის „ა“ ქვეპუნქტით გათვალისწინებულ საგნებში თანხის დარჩენის შემთხვევაში, დარჩენილი თანხის საერთო ოდენობა განაწილდება აბიტურიენტებზე თითოეული საგნის მიხედვით, საქართველოს განათლების, მეცნიერების, კულტურისა და სპორტის მინისტრთან შეთანხმებით, სსიპ – შეფასებისა და გამოცდების ეროვნული ცენტრის დირექტორის ინდივიდუალური ადმინისტრაციულ-სამართლებრივი აქტით განსაზღვრული რიგითობით, აბიტურიენტების მიერ მიღებული აბსოლუტური ქულის მიხედვით უმაღლესიდან უმდაბლესისკენ, სრული ოდენობის 50 პროცენტით დაფინანსებისათვის.

20. ამ მუხლის მე-19 პუნქტით გათვალისწინებული დარჩენილი თანხების გადანაწილების დროს მხედველობაში არ მიიღება ის საგანი/საგნები, რომელშიც ყველა აბიტურიენტი დაფინანსდა ან რომელშიც თანაბარი უმაღლესი აბსოლუტური ქულის მქონე აბიტურიენტთა დასაფინანსებლად დარჩენილი თანხა საკმარისი არ არის.

21. ის აბიტურიენტები, რომელთაც აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის ამ მუხლის მე-19 პუნქტით გათვალისწინებული თანხა, ამ მუხლის მე-19 პუნქტით გათვალისწინებული განაწილების შედეგად დაფინანსებას არ მიიღებენ.

22. ერთიანი ეროვნული გამოცდების მხოლოდ ზოგადი უნარების აზერბაიჯანულენოვანი ტესტის შედეგების საფუძველზე ჩარიცხული ის სტუდენტები, რომელთაც აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის ამ მუხლის მე-12 პუნქტით გათვალისწინებული თანხა, დაფინანსებას არ მიიღებენ.

23. ერთიანი ეროვნული გამოცდების მხოლოდ ზოგადი უნარების სომხურენოვანი ტესტის შედეგების საფუძველზე ჩარიცხული ის სტუდენტები, რომელთაც აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის ამ მუხლის მე-13 პუნქტით გათვალისწინებული თანხა, დაფინანსებას არ მიიღებენ.

24. ერთიანი ეროვნული გამოცდების მხოლოდ აფხაზური ენის ტესტის შედეგების საფუძველზე ჩარიცხული ის სტუდენტები, რომელთაც აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის ამ მუხლის მე-14 პუნქტით გათვალისწინებული თანხა, დაფინანსებას არ მიიღებენ.

25. ერთიანი ეროვნული გამოცდების მხოლოდ ოსური ენის ტესტის შედეგების საფუძველზე ჩარიცხული ის სტუდენტები, რომელთაც აბსოლუტური ქულებით რანჟირების დოკუმენტით თანაბარი ქულები მოიპოვეს და ყველა მათგანის დაფინანსებისათვის საკმარისი არ არის ამ მუხლის მე-15 პუნქტით გათვალისწინებული თანხა, დაფინანსებას არ მიიღებენ.

26. ამ მუხლის 21-ე - 25-ე პუნქტების შესაბამისად განაწილების შედეგად დარჩენილი თანხა, რომელიც ამ მუხლით დადგენილი წესით ვერ განაწილდა, აგრეთვე ამ მუხლის მე-12 – მე-15 პუნქტებით გათვალისწინებული თანხის განაწილების შედეგად დარჩენილი თანხა დაემატება ამ მუხლის 27-ე პუნქტის „გ“ ქვეპუნქტით გათვალისწინებულ თანხას.

27. ის სტუდენტები, რომლებიც სტუდენტთა საგრანტო კონკურსში მოიპოვებენ სრულ სახელმწიფო სასწავლო გრანტს, ნაწილობრივ სახელმწიფო სასწავლო გრანტს ან ნაწილობრივი სახელმწიფო სასწავლო გრანტის ოდენობის გაზრდის უფლებას, მოპოვებული ქულების მიხედვით, ამ მუხლის მე-16 – მე-18 პუნქტებით დადგენილი წესით დაფინანსდებიან 215 000 (ორას თხუთმეტი ათასი) ლარის ფარგლებში, შემდეგი ოდენობებით:

ა) სრული სახელმწიფო სასწავლო გრანტი – 70 000 (სამოცდაათი ათასი) ლარი;

ბ) სრული სახელმწიფო სასწავლო გრანტის 70 პროცენტი – 70 000 (სამოცდაათი ათასი) ლარი;

გ) სრული სახელმწიფო სასწავლო გრანტის 50 პროცენტი – 75 000 (სამოცდათხუთმეტი ათასი) ლარი.

იხილეთ ​დადგენილება 

განათლება #აბიტურიენტი #გამოცდები #ერთიანიეროვნულიგამოცდები

შეიძლება დაინტერესდეთ

მასწავლებლები

დეტალები მასწავლებლობის მაძიებლობის პროგრამის შესახებ

დეტალები მასწავლებლობის მაძიებლობის პროგრამის შესახებ

მასწავლებლობის მაძიებლობის პროგრამის შესახებ დეტალურ ინფორმაციას მასწავლებლის სახლი აქვეყნებს. 

​1. მასწავლებლის მაძიებლობის პროგრამის“ მიზნები:

მასწავლებლის მაძიებლობის მიზანია მასწავლებლობის მაძიებლის პროფესიული ცოდნის გაღრმავება, მასწავლებლის უნარ-ჩვევების შეძენა ან/და  განვითარება და სასკოლო გარემოსთან ადაპტირების ხელშეწყობა, ასევე საქართველოს ზოგადსაგანმანათლებლო დაწესებულებებში არსებული საგნობრივი ვაკანსიების შევსება კომპეტენტური და კვალიფიციური კადრებით.

2. პროგრამის ბენეფიციარები:

ა) მასწავლებლობის მაძიებელი, პირი რომელსაც აქვს სულ მცირე ეროვნული სასწავლო გეგმით გათვალისწინებული საგნის/საგნობრივი ჯგუფის მიმართულებით ბაკალავრის აკადემიური ხარისხი ან/და სასპორტო პროფესიული განათლების დამადასტურებელი დოკუმენტი და რომელიც ზოგადსაგანმანათლებლო დაწესებულების საჭიროებიდან გამომდინარე, არაუმეტეს 2 წლისა დასაქმებულია ზოგადსაგანმანათლებლო დაწესებულებაში.
ბ) პირი, რომელიც 2018-2019 სასწავლო წლის დასაწყისისთვის ასწავლიდა ზოგადსაგანმანათლებლო დაწესებულებაში და მასწავლებლის პროფესიული განვითარებისა და კარიერული წინსვლის სქემაში არ იყო ჩართული.

3. მაძიებლობის პროგრამის შემადგენლობა

მაძიებლობის პროგრამა შედგება 2 კურსისგან აკადემიური კურსი და პედაგოგიური პრაქტიკის კურსი (ორივე კურსის გავლა სავალდებულოა) და მასწავლებლის სტატუსის მოსაპოვებლად მაძიებელმა 2 წლის განმავლობაში უნდა დაადასტუროს საგნობრივი კომპეტენცია.

4. „მასწავლებლის მაძიებლობის პროგრამის“ გავლის საფეხურები

მასწავლებლის მაძიებლობის პროგრამის გავლის საფეხურებია:
ა) რეგისტრაცია;
ბ) აკადემიური კურსი (ონლაინ);
გ) პედაგოგიური პრაქტიკის კურსი;
დ) აღიარება (დადასტურება).

5. მასწავლებლის მაძიებლობის პროგრამის ხანგრძლივობა

1. მასწავლებლობის მაძიებელს შესაძლებლობა აქვს გაიაროს გრძელვადიანი ან მოკლევადიანი (ინტენსიური) კურსი.
2. მასწავლებლობის მაძიებელი კურსზე რეგისტრაციისას ირჩევს კურსის ხანგრძლივობას მოკლევადიან ან გრძელვადიან კურსს და ამის შესაბამისად პროგრამაში საკუთარი მუშაობის გრაფიკს;

ა) გრძელვადიანი კურსი გულისხმობს ორ წელს და 20 გაკვეთილის ჩატარებას, რომელსაც აკვირდება ტუტორი შემდეგი

5 მიმართულებით(თითოეულ მიმართულებაზე, მინიმუმ ოთხი ფოკუსირებული დაკვირვება): 

1.სასწავლო გარემო;
2.სოციალურ-ემოციური მხარდაჭერა; 
3.მასწავლებელსა და მოსწავლეს შორის ეფექტური კომუნიკაცია; 
4. მეტაკოგნაცია და მაღალი სააზროვნო უნარები; 
5.უკუკავშირი. 

20 გაკვეთილის ჩატარების ვალდებულება აქვს ყველა იმ პირს, ვინც კურსის ხანგრძლივობად აირჩევს ერთ წელზე მეტ ვადას.

ბ) მოკლე კურსი გულისხმობს მინიმუმ 4 თვეს და 10 გაკვეთილის ჩატარებას, რომელსაც აკვირდება ტუტორი შემდეგი 5
მიმართულებით(თითოეულ მიმართულებაზე, მინიმუმ ორი ფოკუსირებული დაკვირვება): 
1.სასწავლო გარემო;
2.სოციალურ-ემოციური მხარდაჭერა; 
3.მასწავლებელსა და მოსწავლეს შორის ეფექტური კომუნიკაცია; 
4. მეტაკოგნაცია და
მაღალი სააზროვნო უნარები; 
5.უკუკავშირი. 

10 გაკვეთილის ჩატარების ვალდებულება აქვს ყველა იმ პირს ვინც კურსს გაივლის 4 თვიდან ერთ წლამდე.

6. საბოლოო შეფასება/აღიარება

1. მასწავლებლობის მაძიებლის მიერ მასწავლებლობის მაძიებლობის პროგრამის საბოლოო შეფასებას (აკადემიური და პედაგოგიური პრაქტიკის კურსების შეფასება) ახდენს სსიპ მასწავლებელთა პროფესიული განვითარების ეროვნული ცენტრი.

2. მასწავლებლობის მაძიებლის მიერ მასწავლებლობის მაძიებლობის პროგრამის გავლის შედეგებს ადასტურებს სსიპ მასწავლებელთა პროფესიული განვითარების ეროვნული ცენტრის დირექტორის ინდივიდუალურ ადმინისტრაციულ სამართლებრივი აქტის საფუძველზე.

7. მასწავლებლობის მაძიებლის პედაგოგიური კურსის განმავლობაში წარმოსადგენი დოკუმენტები

1. მასწავლებლობის მაძიებელმა შემაჯამებელ ელექტრონულ პორტფოლიოში, თვითშეფასების საფუძველზე, უნდა წარმოადგინოს პროგრამის განმავლობაში მის მიერ შექმნილი საუკეთესო ნაშრომები, რომლებიც ადასტურებენ პროგრამის სწავლის შედეგებით განსაზღვრულ კომპეტენციებს. თითოეულ ნაშრომს თან უნდა ახლდეს რეფლექსია განხორციელებულ აქტივობაზე.

2. შემაჯამებელი ელ. პორტფოლიოს ფარგლებში წარმოდგენილი უნდა იყოს შემდეგი დოკუმენტაცია:

ა) თემატური გეგმა, გაკვეთილის გეგმა, გეგმის შესაბამისი ჩატარებული გაკვეთილის ტუტორის დაკვირვების ანგარიში, ჩატარებულ გაკვეთილის რეფლექსია.
ბ) სსსმ მოსწავლის უნარების შეფასების დასკვნა / ანგარიში და შესაბამისი ინდივიდუალური სასწავლო გეგმა (ასეთის არსებობის შემთხვევაში). ან დიფერენცირებული მიდგომის ამსახველი დოკუმენტაცია.
გ) კლასგარეშე აქტივობის (პროექტული მუშაობა/კლუბური მუშაობა/საწრეო მუშაობა და სხვა) გეგმა და რეფლექსია განხორციელებული აქტივობის შესახებ,
დ) თვითშეფასების კითხვარი, კურსის რეფლექსია, კვირის რეფლექსია, სამოქმედო გეგმის ანგარიში,
ე) თვითგანვითარებაზე ზრუნვა და სხვა.

”მასწავლებლობის მაძიებელთა პროგრამის“ აკადემიური და პრაქტიკული კურსის შინაარსი აკადემიური კურსი მასწავლებლობის მაძიებლობის აკადემიურ კურსს ახორცილებს სსიპ - მასწავლებელთა პროფესიული განვითარების ეროვნული ცენტრი აკადემიური კურსის განსახორციელებლად საჭიროა ცენტრმა წინასწარ განსაზღვროს თემატიკა. 

აკადემიური კურსი წარიმერთება ონლაინ რეჟიმში - ვიდეო ლექციების სახით. აკადემიური კურსი დაძლეულად ჩაითვლება, თუ მაძიებელი, კურსის ბოლოს, დააგროვებს ზღვრული რაოდენობის - 75% -ს და მეტს. Edex სისტემის პლატფორმაზე ჩაშენებულია აკადემიური კურსი - ონლაინ ლექციები, რომელიც მოიცავს სკოლაში შესასრულებელ პრაქტიკულ დავალებებს ტუტორის ფასილიტაციით. 

პორტალის გამართულ მუშაობაზე პასუხისმგებელია ცენტრი (მაძიებლობის პროგრამა).
აკადემიური კურსის შინაარსი # აკადემიური კურსის შინაარსი

1 სასწავლო პროცესის დაგეგმვა, წარმართვა და შეფასება
2 პოზიტიური სასწავლო გარემო
3 ინკლუზიური განათლება
4 მასწავლებლის პროფესიული განვითარება და ეთიკა
5 სწავლა სწავლების სტრატეგიები

”მასწავლებლობის მაძიებელთა პროგრამის“ აკადემიური კურსის გავლის შემდეგ კურსდამთავრებული შეიძენს შემდეგ დარგობრივ კომპეტენციებს:
დარგობრივი კომპეტენციები:

1. კომპეტენცია - ცოდნა და გააზრება
I.კომპეტენციის სფერო - პოზიტიური სასწავლო გარემოს ფორმირება მასწავლებლი იცნობს სასწავლო პროცესში დიფერენცირებული მიდგომების ძირითად პრინციპებს;
იცის, როგორ შექმნას მოსწავლისთვის მამოტივირებელი სასწავლო გარემო - ფიზიკური, სოციალურ-ემოციური და კოგნიტური გარემო ინკლუზიური,სწავლისა და მოსწავლეებისადმი კეთილგაწყობილი სასწავლო გარემო.
იცის კლასის მართვისა და კონფლიქტების პრევენციისა და მოგვარების ეფექტიანი სტრატეგიები.
იცის სკოლაში თანამშრომლობითი კულტურის ჩამოყალიბების ხელშემწყობი ძირითადი ფაქტორები და აცნობიერებს თანამშრომლობითი გარემოს მნიშვნელობას საკუთარი პროფესიული განვითარებისა და სწავლა-სწავლების ხარისხის გაუმჯობესებაში.
II.კომპეტენციის სფერო - მოსწავლესა და შედეგზე ორიენტირებული სასწავლო პროცესის დაგეგმვა, წარმართვა და შეფასება

2.1. სასწავლო პროცესის დაგეგმვა და წარმართვა მასწავლებელი იცნობს ზოგადი განათლების ეროვნულ მიზნებს, ეროვნულ სასწავლო გეგმას;
იცის ზოგადი განათლების ჩარჩო დოკუმენტებზე დაყრდნობით მოსწავლესა და შედეგზე ორიენტირებული სასწავლო პროცესის დაგეგმვა.
იცის საგანმანათლებლო ბეჭდური და ICT რესურსების მოძიება, შექმნა და სასწავლო პროცესში მიზნობრივად გამოყენება.
იცის პიროვნების განვითარებისა და განათლების ძირითადი თეორიები, აცნობიერებს მათ მნიშვნელობას მოსწავლესა და შედეგზე ორიენტირებული სასწავლო პროცესის დაგეგმვის და წარმართვისას.
იცნობს მოსწავლეებში საბაზისო აკადემიური და სოციალურ-ემოციური უნარების განვითრების ძირითად მიდგომებს.
იცის სწავლისა და სწავლების მრავალფეროვანი, მოსწავლეზე ორიენტირებული სტრატეგიები და მათი გამოყენების პერსპექტივები;
იცის სწავლა/სწავლების მეთოდები, ტექნოლოგიები და სტრატეგიები, მათი გამოყენების შესაძლებლობები.
იცის მდგრადი განვითარების მიზნები და პრინციპები;
აცნობიერებს მდგრადი განვითარების პრინციპების სწავლების მნიშვნელობას პიროვნების ჩამოყალიბებაში, სოციალური და ბუნებრივი გარემოსადმი პასუხისმგებლობის მქონე მოქალაქის აღზრდაში.
აცნობიერებს კლასგარეშე საქმიანობის როლსა და მნიშვნელობას მოსწავლეთა მოტივაციის, სწავლის და მრავალმხრივი განვითარებისათვის.

2.2. სასწავლო პროცესის შეფასება

იცის მოსწავლის შეფასება (მ.შ. სსსმ მოსწავლის) ეროვნულ სასწავლო გეგმასთან მიმართებით;
იცის შეფასების ტიპები, პრინციპები და მეთოდები. იცის როგორ გააანალიზოს შეფასების შედეგები.
იცის შეფასების კრიტერიუმების ჩამოყალიბებისა და რუბიკების შედგენის ძირითადი პრინციპები.
III.კომპეტენციის სფერო - პროფესიულ განვითარებაზე ზრუნვა იცის პროფესიული განვითარების ძირითადი პრინციპები, ფორმები და გზები.
იცნობს განათლების მეცნიერებებში თანამედროვე ტენდენციებსა და კვლევებს.
იცნობს განათლების მეცნიერების კვლევის მეთოდებს და მათი გამოყენების შესაძლებლობებს.
იცის პრაქტიკის კვლევის სპეციფიკა, წარმართვის თავისებურებები და აცნობიერებს კვლევის შედეგების გამოყენების მნიშვნელობას საკუთარი პროფესიული განვითარებისა და სწავლა-სწავლების ხარისხის გაუმჯობესებაში.

2. დამოკიდებულებები და ღირებულებები:

აცნობიერებს განათლების ინკლუზიურობისა და მოსწავლეთა მოტივაციის მნიშვნელობას პოზიტიური,უსაფრთხო/კონფლიქტებისგან თავისუფალი სასწავლო გარემოს შექმნისთვის; აცნობიერებს მოსწავლეებთან, მშობლებთან, კოლეგებთან, თემთან თანამშრომლობის მნიშვნელობას უსაფრთხო (ფიზიკური, სოციალური და ემოციური)
სასწავლო გარემოს ფორმირებისთვის.
აცნობიერებს, რომ ზოგადი განათლების ჩარჩო დოკუმენტები და განათლების მეცნიერებაში დაგროვილი ცოდნა მისი პედაგოგიური საქმიანობის ამოსავალია; მისთვის მნიშვნელოვანია თითოეული მოსწავლე, როგორც პიროვნება; სწამს, რომ დიფერენცირებული მიდგომის გამოყენება სასწავლო პროცესში ხელს შეუწყობს როგორც მოსწავლეთა მოტივაციის ზრდას, მის პიროვნულ და კოგნიტურ განვითარებას, ასევე მათ ინტეგრაციას სასკოლო საზოგადოებაში.
ორიენტირებულია უწყვეტ პროფესიულ განვითარებაზე, სხვადასხვა გზით სიახლეების ათვისებასა და მათ პრაქტიკაში დანერგვაზე;აცნობიერებს კვლევაზე დაფუძნებული სასკოლო პრაქტიკის სრულყოფის მნიშვნელობას.
პედაგოგიური პრაქტიკის კურსი
პედაგოგიური პრაქტიკის კურსი ხორციელდება სკოლაში. მაძიებელს სკოლა უნიშნავს ტუტორს რომელიც მაძიებელს უწევს მუდმივ დახმარებას და მხარდაჭერას.

პრატიკული ნაწილი შედგება:

1. აკადემიური კურსის განმავლობაში მიცემული დავალებების სასწავლო პრაქტიკაში გადატანა
2. გრძელი კურსის შემთხვევაში 20 გაკვეთილის ჩატარებას, რომელსაც აკვირდება ტუტორი შემდეგი 5 მიმართულებით(თითოეულ მიმართულებაზე, მინიმუმ ოთხი ფოკუსირებული დაკვირვება): 

1.სასწავლო გარემო; 
2.სოციალურ- ემოციური მხარდაჭერა; 
3.მასწავლებელსა და მოსწავლეს შორის ეფექტური კომუნიკაცია; 
4. მეტაკოგნაცია და მაღალი სააზროვნო უნარები; 
5.უკუკავშირი და მოკლე (ინტენსიური) კურსის შემთხვევაში 10 გაკვეთილის ჩატარებას, რომელსაც აკვირდება

ტუტორი შემდეგი 5 მიმართულებით(თითოეულ მიმართულებაზე, მინიმუმ ორი ფოკუსირებული დაკვირვება): 

1.სასწავლო გარემო; 
2.სოციალურ-ემოციური მხარდაჭერა; 
3.მასწავლებელსა და მოსწავლეს შორის ეფექტური კომუნიკაცია; 
4. მეტაკოგნაცია და მაღალი სააზროვნო უნარები; 
5.უკუკავშირი

მაძიებელს სკოლაში ევალება

ა) თანამშრომლობს ტუტორთან მაძიებლის ინდივიდუალური საჭიროებების განსაზღვრასა და ინდივიდუალური პროგრამის
შემუშავებაში.
გ) ესწრება და აკვირდება ტუტორის და სხვა მასწავლებლის მიერ ჩატარებულ გაკვეთილებს, მონაწილეობს გაკვეთილებისა
და პროფესიული ლიტერატურის განხილვაში.
დ) გეგმავს საჩვენებელ გაკვეთილებს და ითვალისწინებს ქოუჩის რეკომენდაციებს.
ე) ქმნის მაძიებლის პროფესიულ საქაღალდეში განსათავსებელ დოკუმენტებს და ზრუნავს საკუთარ პროფესიულ განვითარებაზე.

”მასწავლებლობის მაძიებელთა პროგრამის“ პრაქტიკული კურსის გავლის შემდეგ კურსდამთავრებული შეიძენს შემდეგ დარგობრივ კომპეტენციებს:

კომპეტენცია - პრაქტიკული და სხვადასხვა უნარები
კომპეტენციის სფერო - პოზიტიური სასწავლო გარემოს ფორმირება
შეუძლია შექმნას დადებითი სასწავლო გარემო მოსწავლეების ინდივიდუალური, სპეციალური საჭიროებების, მათი კულტურული მრავალფეროვნების გათვალისწინებით და ხელი შეუწყოს კლასში თითოეული მოსწავლის ინტეგრაციას და მათ მოტივაციას;
შეუძლია უსაფრთხო თავისუფალი სასწავლო გარემოს შექმნა თითოეული მოსწავლის პიროვნული, სოციალური-ემოციური და კოგნიტური განვითარებისთვის;
შეუძლია ქცევის სირთულეების მქონე მოსწავლისთვის სასწავლო გარემოს ორგანიზება ფსიქოლოგის რეკომენდაციების გათვალისწინებით.
შეუძლია კლასის მართვა, კონფლიქტების გამომწვევი მიზეზების გაანალიზება და ადეკვატური რეაგირება;
შეუძლია მოსწავლეებთან, მშობელთან, კოლეგებთან, თემთანეფექტური კომუნიკაცია კონფლიქტების პრევენციისა და მოგვარებისათვის;
შეუძლია მოსწავლეებს შორის პოზიტიური ურთიერთობების ჩამოყალიბების ხელშეწყობა შესაბამისი სტრატეგიებისგამოყენებით,მათი ინდივიდუალური განსხვავებების გათვალისწინებით.
შეუძლია მოსწავლეებთან, კოლეგებთან, თემთანეფექტური კომუნიკაცია და საქმიანი თანამშრომლობა;
შეუძლია მშობელთა (სხვა კანონიერ წარმომადგენლებთან) ჩართულობის ხელშეწყობა მოსწავლეთა გააზრებულად სწავლებისთვის.
II.კომპეტენციის სფერო - მოსწავლესა და შედეგზე ორიენტირებული სასწავლო პროცესის დაგეგმვა, წარმართვა და შეფასება

2.1. სასწავლო პროცესის დაგეგმვა და წარმართვა

შეუძლია ზოგადი განათლების ეროვნული მიზნების, ეროვნული სასწავლო გეგმის, სკოლის პრიორიტეტებისა და მოსწავლეთა საჭიროებების გათვალისწინებით გრძელვადიანი და მოკლევადიანი სასწავლო გეგმების შემუშავება;
შეუძლია გაკვეთილის დაგეგმვა ყველა კომპონენტისა და მათ შორის კავშირების გათვალისწინებითდაგეგმვისას შეუძლია შიდასაგნობრივი და საგანთა შორისი კავშირების გათვალისწინება;
შესაბამისი სპეციალისტების ჩართულობით შეუძლია სპეციალური საგანამანათლებლო საჭიროების მქონე მოსწავლეთათვის ინდივიდუალური სასწავლო გეგმის შემუშავება.
შეუძლია მოიძიოს, შეარჩიოს, შექმნას და გამოიყენოს დამხმარე რესურსები და ICT ტექნოლოგიები სასწავლო გეგმის მიზნებისა და კონკრეტული კლასის მოსწავლეების საჭიროებების გათვალისწინებით.
შეუძლია პიროვნების, განვითარებისა და განათლების თეორიების ცოდნის ეფექტიანად გამოყენება სასწავლო პროცესში;
შეუძლია მოტივაციის გაძლიერების სტრატეგიების ეფექტიანად შერჩევა მოსწავლეთა ინდივიდუალურ პროგრესზე დაკვირვებითა და მათი ინტერესების გათალისწინებით.
შეუძლია მოსწავლეებში საბაზისო აკადემიური და სოციალურ-ემოციური უნარების განვითარების ხელშეწყობა მათი ასაკობრივი და ინდივიდუალური თავისებურებების გათალისწინებით.
შეუძლია, მიზნობრივად გამოიყენოს სწავლისა და სწავლების მრავალფეროვანი სტრატეგიები.
სწავლების პროცესში შეუძლია მდგრადი განვითარების პრინციპების სასწავლო თემებში ინტეგრირება.
შეუძლია კლასგარეშე საქმიანობების (საკლუბო, საწრეო, სასწავლო და სოციალური პროექტების) დაგეგმვა მოსწავლეთა ინტერესებისა და შესაძლებლობების გათვალისწინებით.

2.2. სასწავლო პროცესის შეფასება

შეუძლია მოსწავლეთა შეფასების მეთოდების მიზნობრივი გამოყენება თითოეული მათგანის მიღწევისა და პროგრესის შესაფასებლად;
შეუძლია განმავითრებელი შეფასების ეფექტიანად გამოყენება თითოეული მოსწავლის კოგნიტური და პიროვნული განვითარებისთვის.
შეუძლია შეფასების სქემების და რუბრიკების შედგენა, მათზე დაყრდნობით მოსწავლეთა ობიექტური შეფასება.

III.კომპეტენციის სფერო - პროფესიულ განვითარებაზე ზრუნვა
თვითშეფასების, კოლეგებისაგან, დირექციისაგან, მოსწავლეებისაგან, მშობლებისაგან მიღებული უკუკავშირისა და მოსწავლეთა საჭიროებების ანალიზის საფუძველზე შეუძლია საკუთარი პრაქტიკის კომპლექსური, თანმიმდევრული და კრიტიკული ანალიზი - ძლიერი და სუსტი მხარეების იდენტიფიცირება და პროფესიული განვითარების შესაბამისი ღონისძიებების დაგეგმვა.
აქვს უნარი, მოიძიოს და გამოიყენოს განათლების მეცნიერებაში ახალი ცოდნა, ტენდენციები და თანამედროვე კვლევები საკუთარი პროფესიული განვითარებისა და სასკოლო პრაქტიკის სრულყოფისთვის.
შეუძლია კველევების დაგეგმვა, შესაბამისი ინსტრუმენტების შექმნა/მოძიება, განხორციელება ან/და მოსწავლეების კვლევით პროექტებში ჩართვა.
სასკოლო პრაქტიკის ანალიზის საფუძველზეშეუძლია პრობლემის/საჭიროების იდენტიფიცირება, ანალიზი, შესაბამისი ინტერვენციების დაგეგმვა, განხორციელება და მათი ეფექტიანობის შეფასება.

დემონსტრირების სპეციფიური კრიტერიუმები:

I.კომპეტენციის სფერო - პოზიტიური სასწავლო გარემოს ფორმირება შემუშავებული საგაკვეთილო გეგმა დიფერენცირებული დავალებებით;
დაგეგმილი არასაგაკვეთილო ან საგაკვეთილო აქტივობა, რომლებიც ხელს შეუწყობს მოსწავლეებში განსხვავებულობის/კულტურული მრავალფეროვნების პატივისცემას და დაეხმარება სხვადასხვა სტერეოტიპული დამოკიდებულების გამკლავებაში.
სასკოლო პრაქტიკის პორტფოლიო, რომელშიც რეფლექსიაში აღწერილია სტუდენტის მიერ გამოყენებული კლასის მართვისა და კონფლიქტის მოგვარების სტრატეგიები, გაანალიზებული და შეფასებულია მათი ეფექტიანობა.
აქტივობა სასწავლო გარემოს გაუმჯობესებაზე.

II.კომპეტენციის სფერო - მოსწავლესა და შედეგზე ორიენტირებული სასწავლო პროცესის დაგეგმვა, წარმართვა და შეფასება

2.1. სასწავლო პროცესის დაგეგმვა და წარმართვა

ზგემ-ზე და ესგ-ზე დაყრდნობით შემუშავებული გაკვეთილის გეგმა და რეფლექსია ჩატარებულ გაკვეთილზე. სტუდენტის შექმნილი სასწავლო რესურსი, ინსტრუქცია რესურსის სარგებლიანობასა და მოხმარებაზე ასახული გაკვეთილის გეგმაში;
მიზნების შესაბამისად მოძიებული და შერჩეული დამხმარე ბეჭდური და ელექტრონული რესურსები ასახული გაკვეთილის გეგმაში.
განხილული შემთხვევები (ე.წ. ქეისები), რომლებშიც ჩანს პიროვნების, განვითარებისა და განათლების თეორიების ცოდნის შესაბამისი გამოყენება. ასევე, სასკოლო პრაქტიკის რეფლექსია, რომელშიც გაანალიზებულია, როგორ მოახდინა სტუდენტმა თეორიების ცოდნის გადატანა პრაქტიკაში.
გაკვეთილის გეგმა/არასაგაკვეთილოაქტივობა.
გაკვეთილის გეგმა, სასკოლო პრაქტიკის რეფლექსია.
შექმნილი აქტივობები და დაგეგმილი პროექტები სასკოლო პრაქტიკის პროცესსაან სააუდიტორიო მეცადინეობის ფარგლებში.
სტუდენტის მიერ დაგეგმილი, განხორციელებული და გაანალიზებული კლასგარეშე ღონისძიებები სასკოლო პრაქტიკის პროცესსაან სააუდიტორიო მეცადინეობის ფარგლებში.

2.2. სასწავლო პროცესის შეფასება

გაკვეთილის გეგმებში წარმოგენილი შეფასების მეთოდები, რომლებიც ითვალისწინებს სსსმ მოსწავლის შეფასების სპეციფიკას სასკოლო პრაქტიკის პროცესსა ან სააუდიტორიო მეცადინეობის ფარგლებში;
პრაქტიკის/სააუდიტორიო სწავლების ფარგლებში მოსწავლის ნაშრომზე გაცემული განმავითარებელი უკუკავშირი.
სტუდენტის შემუშავებული შეფასების კრიტერიუმები და რუბრიკები, მათზე დაყრდნობით შეფასებული მოსწავლეთა ნაშრომები.

III.კომპეტენციის სფერო - პროფესიულ განვითარებაზე ზრუნვა

სასკოლო პრაქტიკის პროცესში თვითშეფასების, კოლეგებისაგან, მენტორისაგან, ლექტორისაგან, მიღებული უკუკავშირის საფუძველზე საკუთარი პროფესიული საჭიროებების იდენტიფიცირება და პროფესიული განვითარების ორიენტირების დაგეგმვა.
სტუდენტის კვლევით ნაშრომში გამოყენებული თანამედროვე კვლევები.
სტუდენტის მიერ წარმოებული კვლევის ანგარიში/მოსწავლეებისთვის დაგეგმილი კვლევითი პროექტი.
სტუდენტის მიერ წარმოებული კვლევის ანგარიშები;სამაგისტრო ნაშრომი.

”მასწავლებლობის მაძიებელთა პროგრამის“ გავლის შემდეგ კურსდამთავრებული შეიძენს ზოგად კომპეტენციებს:

ანალიზისა და სინთეზის უნარი - შეუძლია რთული, არასრული და წინააღმდეგობრივი მონაცემების კრიტიკულად შეფასება, მათი დამოუკიდებელი ანალიზი. ანალიზის შედეგების გასაგებად გადმოცემა და შემდგომ მათი გამოყენება. შეუძლია სხვადასხვა მონაცემის გაანალიზება, შეჯამება, ინტეგრაცია, დასკვნის გამოტანა. მიღებული შედეგების ანალიზისას მტკიცებულებების და/ან საწინააღმდეგო არგუმენტების მოყვანა;
ინფორმაციის მართვა - შეუძლია სხვადასხვა წყაროდან ინფორმაციის მოპოვება, დიდი მოცულობის ინფორმაციის დამუშავება და მისი კრიტიკულად შეფასება. პროფესიული საქმიანობისას აქვს მოძიებული ინფორმაციის გამოყენების უნარი;
პრობლემის გადაჭრა / გადაწყვეტილების მიღება; - დამოუკიდებლად შეუძლია კომპლექსური პრობლემების განსაზღვრა, ჩამოყალიბება, მისი გადაჭრის გზების განსაზღვრა;
რესურსების მიზნობრივი გამოყენება - იცნობს და საჭიროების შემთხვევაში ეფექტურად იყენებს დამატებით რესურსებს საკუთარი სპეციალობის ფარგლებში;
ჯგუფში მუშაობის უნარი - აქვს ჯგუფში მუშაობის უნარი, როგორც რიგით წევრს, ასევე - ლიდერს. შეუძლია ამოცანების მკაფიოდ ფორმულირება, ჯგუფის წევრებთან შეთანხმება, მათი საქმიანობის კოორდინაცია და შესაძლებლობების ადეკვატურად შეფასება;
კონფლიქტური და ფორსმაჟორული სიტუაციების მართვა;
კომუნიკაციის უნარი- აქვს დაკვირვების, მოსმენის, კითხვების დასმის, აგრეთვე, არავერბალური კომუნიკაციის უნარი.;
შეხვედრებში მონაწილეობა, თავისი მოსაზრებების ზეპირსიტყვიერად და წერილობით გადმოცემა;
სწავლის/ცოდნის მუდმივი განახლების უნარი - შეუძლია სასწავლო-საინფორმაციო რესურსების სრული სპექტრის გამოყენება,
საკუთარი სწავლის პროცესის მართვა. აცნობიერებს ცოდნის განუწყვეტელი განახლების აუცილებლობას. აქვს საკუთარი ცოდნისა და უნარ-ჩვევების ობიექტურად შეფასებისუნარი;
ახალ გარემოსთან ადაპტაციის უნარი - კოლექტივში პრაქტიკული მუშაობის ჩვევები, პროფესიული სუბორდინაციის/ადაპტაციის უნარი, ახალი ტექნოლოგიების ათვისებისუნარი;
დამოუკიდებლად მუშაობის უნარი - აქვს დროის ორგანიზების, პრიორიტეტების შერჩევის, ვადების დაცვისა და შეთანხმებული სამუშაოს შესრულების უნარი. შეუძლია თავის საქმიანობასთან დაკავშირებული რესურსების სწორად დაგეგმვა. პასუხს აგებს შესრულებულ სამუშაოზე და შეუძლია მისი შეფასება და კრიტიკა.
მაძიებლის პორტფოლიოში განსათავსებელი დოკუმენტები

მასწავლებლობის მაძიებელმა შემაჯამებელ ელექტრონულ პორტფოლიოში, თვითშეფასების საფუძველზე, უნდა წარმოადგინოს პროგრამის განმავლობაში მის მიერ შექმნილი საუკეთესო ნაშრომები (მტკიცებულებები), რომლებიც ადასტურებენ პროგრამის სწავლის შედეგებით განსაზღვრულ კომპეტენციებს. თითოეულ მტკიცებულებას თან უნდა ახლდეს რეფლექსია განხორციელებულ აქტივობაზე. შემაჯამებელი ელ. პორტფოლიოს ფარგლებში წარმოდგენილი უნდა იყოს შემდეგი მტკიცებულებები:

1. გაკვეთილის გეგმა, კლასგარეშე აქტივობების გეგმა, თვითშეფასება, ტუტორის/დირექტორის ანგარიში, სამოქმედო გეგმის ანგარიში, თვითგანვითარებაზე ზრუნვა, ჩატარებული გაკვეთილების, კლასგარეშე აქტივობების კურსის, კვირის რეფლექსიები.

წარმოდგენილი მტკიცებულებები უნდა ადასტურდებდეს შემდეგ კომპეტენციებს:

 სწავლებისას საგნობრივი ცოდნის ეფექტიანად გამოყენების უნარი;
 მოსწავლეზე და შედეგზე ორიენტირებული თემატური და გაკვეთილის გეგმების შექმნის უნარი;
 თითოეული მოსწავლის ფიზიკური, სოციალურ-ემოციური თუ კოგნიტური განვითარებისთვის ხელშემწყობი
მამოტივირებელი გარემოს შექმნის უნარი;
 სასწავლო რესურსების (მათ შორის ციფრულის) შექმნის / მოძიებისა და მიზნობრივად გამოყენების უნარი;
 მოსწავლეებთან ეფექტური კომუნიკაციის უნარი;
 სწავლების სტრატეგიების მიზნობრივად გამოყენების უნარი;
 მოსწავლეთა შეფასებისას განმავითარებელი და განმსაზღვრელი შეფასების მეთოდებისა და შესაბამისი
ინსტრუმენტების ეფექტიანად გამოყენების უნარი;
 პროფესიული ეთიკის დაცვის უნარი;
 ჩატარებული გაკვეთილის გაანალიზებისა და შეფასების უნარი.

2. სსსმ მოსწავლის უნარების შეფასების დასკვნა / ანგარიში და შესაბამისი ინდივიდუალური სასწავლო გეგმა (ასეთის არსებობის შემთხვევაში).

წარმოდგენილი მტკიცებულებები უნდა ადასტურდებდეს შემდეგ კომპეტენციებს:
 თანამშრომლობა სპეციალურ მასწავლებელთან და მასთან კონსულტაციით ან/და შესაბამისი სპეციალისტების
ჩართულობით სპეციალური საგანმანათლებლო საჭიროების მქონე მოსწავლის ინდივიდუალური საჭიროების
იდენტიფიცირება და შესაბამისი ინდივიდუალური სასწავლო გეგმის შემუშავების უნარი;
 განხორციელებული აქტივობების გაანალიზებისა და შეფასების უნარი.

3. კლასგარეშე აქტივობის (პროექტული მუშაობა/კლუბური მუშაობა/საწრეო მუშაობა და სხვა) გეგმა და რეფლექსია

განხორციელებული აქტივობის შესახებ. წარმოდგენილი მტკიცებულებები უნდა ადასტურდებდეს შემდეგ კომპეტენციებს:
 მოსწავლეთა ინტერესებისა და საჭიროებების გათალისწინებით კლასგარეშე აქტივობების დაგეგმვის,
განხორციელებისა და მათი ეფექტიანობის შეფასების უნარი.
 მოსწავლეებთან, მათ მშობლებთან (სხვა კანონიერ წარმომადგენლებთან), კოლეგებთან პოზიტიური კომუნიკაციისა
და საქმიანი თანამშრომლობის უნარი;

4. თვითშეფასების კითხვარი და პროფესიული განვითარების ინდივიდუალური გეგმა. თვითშეფასება უნდა ეფუძნებოდეს მოსწავლეთა შედეგების ანალიზს, კოლეგა სტუდენტის / სტუდენტების, ლექტორების, პრაქტიკის ხელმძღვანელი მასწავლებლების უკუკავშირს. წარმოდგენილი მტკიცებულებები უნდა ადასტურდებდეს შემდეგ კომპეტენციას:

 საკუთარი პრაქტიკის კომპლექსური, თანმიმდევრული და კრიტიკული ანალიზის საფუძველზე შეუძლია საკუთარი
ძლიერი და სუსტი მხარეების იდენტიფიცირება და პროფესიული განვითარების შესაბამისი აქტივობების დაგეგმვისა
და განხორციელების უნარი.
 მასწავლებლის პროფესიაში უწყვეტი პროფესიული განვითარების მნიშვნელობის გაცნობიერება;
 კოლეგებთან გამოცდილების ურთიერთგაზიარების მნიშვნელობის გაცნობიერება;
შემაჯამებელ პორტფოლიოში წარმოდგენილი მტკიცებულებების შეფასებისას გამოყენებული იქნება შეფასების
სტანდარტიზებული ინსტრუმენტები.
წაიკითხეთ სრულად
გასათიშად დააჭირეთ ESC.