Baby Bag

ამბულატორიული დაწესებულებები, სადაც გამოცდებში მონაწილეებს PCR ტესტირების ჩატარება უფასოდ შეუძლიათ

ამბულატორიული დაწესებულებები, სადაც გამოცდებში მონაწილეებს PCR ტესტირების ჩატარება უფასოდ შეუძლიათ

შეფასებისა და გამოცდების ეროვნული ცენტრის ​აქვეყნებს იმ ამბულატორიული დაწესებულებების ჩამონათვა​ლსსადაც გამოცდებში მონაწილეებს PCR ტესტირების ჩატარება უფასოდ შეუძლიათ.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ მკაცრად განსაზღვრული მითითებების შესაბამისად, თუ გამოსაცდელს აქვს სიცხე, იმისათვის, რომ დაიშვას გამოცდაზე, უნდა წარადგინოს გამოცდამდე 2-3 დღის განმავლობაში გაცემული ცნობა, რომ არ არის კოვიდინფიცირებული. დეტალები იხილეთ ბმულზე.
იმის დასტურად, რომ პირი ნამდვილად მონაწილეობს 2020 წლის გამოცდებში, ამბულატორიულ დაწესებულებაში უნდა წარადგინოს საგამოცდო ბარათი და პირადობის დამადასტურებელი მოწმობა.

შეიძლება დაინტერესდეთ

რა სირთულის იქნება უცხოური ენების გამოცდა, იგეგმება თუ არა ლაპარაკის დავალების დამატება - აბიტურიენტების შეკითხვებს რუსუდან ტყემალაძე პასუხობს

რა სირთულის იქნება უცხოური ენების გამოცდა, იგეგმება თუ არა ლაპარაკის დავალების დამატება - აბიტურიენტების შეკითხვებს რუსუდან ტყემალაძე პასუხობს

რა სირთულის იქნება უცხოური ენების გამოცდა, იგეგმება თუ არა ლაპარაკის დავალების დამატება... აბიტურიენტების ამ და სხვა აქტუალურ კითხვებს შეფასებისა და გამოცდების ეროვნული ცენტრის უცხოური ენების ჯგუფის ხელმძღვანელი რუსუდან ტყემალაძე პასუხობს.

გთვაზობთ ყველაზე აქტუალურ კითხვებსა და პასუხებს:

✔️ რა სირთულის საკითხები იქნება? იგივე სირთულის იქნება რაც წინა წლებში თუ უფრო გართულებული?
➡️ ტესტის სირთულე არ შეცვლილა და წელს შარშანდელის ანალოგიურია.


✔️ რას გვირჩევთ ინგლისურ ენაში ესეს მაქსიმალური ქულის ასაღებად? მაგალითად, რას მიაქცევდით დიდ ყურადღებას 16 ქულის დასაწერად?
➡️ ესეს შეფასების დროს ყურადღება ექცევა მდიდარ ლექსიკას, გრამატიკის ცოდნასა და არგუმენტაციას.


✔️ ახლო მომავალში აპირებთ ლაპარაკის დავალების დამატებას?
➡️ არა, ეს საკითხი ამ ეტაპზე არ განიხილება.


✔️ ესეს სათაურში გვეკითხებიან Do you agree or disagree with the opinion მაინტერესებს აუცილებლად უნდა დავეთანხმოთ ან არ დავეთანხმოთ მოსაზრებას თუ შეიძლება რომ ორივე მხარე განვიხილოთ? (Advantage and disadvantage)
➡️ უმჯობესია დაეთანხმოთ ან უარყოთ და შესაბამისად განავრცოთ თქვენი მოსაზრება.


✔️ 6-ქულიანი წერილი უშეცდომო უნდა იყოს ხომ?
➡️ დიახ, წერილი სრულიად უშეცდომო უნდა იყოს.


✔️ თუ ერთი კითხვა არასწორად მაქვს დასმული, ამ შემთხვევაში მხოლოდ ერთი ქულა მაკლდება?
➡️ ერთ შეცდომაში სავარაუდოდ ერთი ქულა დაგაკლდებათ, გააჩნია რა შეცდომას დაუშვებთ და ასევე, ტექსტის დანარჩენი ნაწილი რამდენად სრულყოფილია.


✔️ ესეს მაქსმიალური და მინიმალური სიტყვების რაოდენობა თუ არის განსაზღვრული?
➡️ სიტყვების რეკომენდირებული რაოდენობაა 120-150. თუ 110-ზე ნაკლები სიტყვა იქნება ნაშრომში, ქულა დაგაკლდებათ. იმ შემთხვევაში თუ 150-ზე მეტ სიტყვას დაწერთ, სტანდარტულად შესწორდება ნაშრომი.


✔️ დრო რამდენია გამოყოფილი წელს უცხოური ენის გამოცდისათვის?
➡️ 2 საათი და 30 წუთია უცხოური ენებისათვის საგამოცდო დრო.

ახალი პროექტი, რომლის ფარგლებშიც, კვირაში ერთხელ, აბიტურიენტების დასმულ კითხვებს სხვადასხვა საგნობრივი ჯგუფის ხელმძღვანელები პასუხობენ, შეფასებისა და გამოცდების ეროვნულმა ცენტრმა 18 აპრილიდან დაიწყო.


წაიკითხეთ სრულად