Baby Bag

გამოცდები 2020 - საგამოცდო ცენტრები და მისასვლელი მარშრუტები

გამოცდები 2020 - საგამოცდო ცენტრები და მისასვლელი მარშრუტები
შეფასებისა და გამოცდების ეროვნული ცენტრი 2020 წლის საგამოცდო ცენტრების ჩამონათვალს აქვეყნებს. ცენტრის ცნობით, საქართველოს მასშტაბით 24 საგამოცდო ცენტრი იქნება გახსნილი თბილისში, ქუთაისში, ბათუმში, ზუგდიდში, რუსთავში, გორში, ახალციხეში, თელავში, ფოთში, ოზურგეთსა და ხულოში.
გთავაზობთ საგამოცდო ცენტრების ჩამონათვალს (რუკის სანახავად დააჭირეთ ბმულს (მისამართს):
ქ. თბილისის 147-ე საჯარო სკოლა - ქ. თბილისი, დიღმის მასივი მე-3 კვ.

ქ. თბილისის 117-ე საჯარო სკოლა - ქ. თბილისი, თრიალეთის ქ. №7

ქ. თბილისის 175 ა საჯარო სკოლა - ქ. თბილისი, მუხიანის მე-3 მ/კ.

ქ. თბილისის 175 ბ საჯარო სკოლა - ქ. თბილისი, მუხიანის მე-3 მ/კ

ქ. თბილისის 103-ე საჯარო სკოლა - ქ. თბილისი, მესხეთის ქ. №72

ქ. თბილისის 133-ე საჯარო სკოლა - ქ. თბილისი, ვარდისუბნის ქ. №8

ქ. თბილისის 177-ე საჯარო სკოლა -  ქ. თბილისი, გლდანის მე-5 მ/რ

ქ. თბილისის 39-ე საჯარო სკოლა - ქ. თბილისი, გლდანის I მ/რ

ქ. თბილისის 207-ე საჯარო სკოლა - ქ. თბილისი, ჩარგლის ქ. №34

ქ. თბილისის 173-ე საჯარო სკოლა - ქ. თბილისი, გლდანის მე-3 მ/რ

ქ. ქუთაისის N1 საჯარო სკოლა - ქ. ქუთაისი, ცისფერყანწელთა ქ. №6

ქ. ქუთაისის 41-ე საჯარო სკოლა - ქ. ქუთაისი, რუსთაველის ქ. №127

ქ. ქუთაისის 23-ე საჯარო სკოლა - ქ. ქუთაისი, არაყიშვილის №15

ქ. ბათუმის N10 საჯარო სკოლა - ქ. ბათუმი, ბაგრატიონის 121

ქ. ბათუმის N1 საჯარო სკოლა - ქ. ბათუმი, დ. თავდადებულის №47

ქ. ბათუმის N14 საჯარო სკოლა - ქ. ბათუმი, ინასარიძის ქ. 11

ქ. ზუგდიდის მე-2 საჯარო სკოლა - ქ. ზუგდიდი, ზვიად გამსახურდიას ქ. №9

ქ. რუსთავის 22-ე საჯარო სკოლა - ქ. რუსთავი, ქუთაისის ქ. №6

ქ. გორის მე-3 საჯარო სკოლა - ქ. გორი, დ. ამილახვარის ქ. №26

ქ. ახალციხის N1 საჯარო სკოლა - ქ. ახალციხე, მიქუტიშვილის ქ. №2

ქ. თელავის მე-8 საჯარო სკოლა - ქ. თელავი, თამარის ქ. №69

ქ. ფოთის მე-3 საჯარო სკოლა- ქ. ფოთი, ზამბახიძის ქ. №3

ქ. ოზურგეთის მე-2 საჯარო სკოლა - ქ. ოზურგეთი, გაბრიელ ეპისკოპოსის ქ. №9

დ. ხულოს საჯარო სკოლა - დ. ხულო, შავაძის ქ. №3.

​შეფასებისა და გამოცდების ეროვნული ცენტრის ინფორმაციით, თბილისის მასშტაბით საგამოცდო ცენტრებში მისასვლელად გამოყოფილი იქნება დამატებითი საზოგადოებრივი ტრანსპორტი:

  • მეტრო „ახმეტელიდან“ მუხიანის მიმართულებით N175 საჯარო სკოლამდე;
  • მეტრო „ახმეტელიდან“ გლდანის მიმართულებით N177, N173 და N39 საჯარო სკოლებამდე;
  • მეტრო „ვარკეთილიდან“ N117 საჯარო სკოლამდე;
  • მეტრო „სამგორის“ ზედა ამოსასვლელიდან N103 საჯარო სკოლამდე;
  • მეტრო „დიდუბიდან“ N147 საჯარო სკოლამდე.

შეიძლება დაინტერესდეთ

ექსტერნატის გამოცდებზე რეგისტრაცია იწყება

ექსტერნატის გამოცდებზე რეგისტრაცია იწყება

I-XII კლასის პროგრამის ექსტერნატის ფორმით დაძლევის მსურველთათვის რეგისტრაციისა და გამოცდების ჩატარების ვადები განისაზღვრა.

მსურველი პირები გამოცდაზე დარეგისტრირებას 2021 წლის 3 ივნისიდან 8 ივნისის ჩათვლით შეძლებენ, ხოლო გამოცდები 14 ივნისიდან 25 ივნისის ჩათვლით ჩატარდება.

ექსტერნატის ფორმით განათლების მიღებაზე სრულწლოვანი დაინტერესებული პირი ან არასრულწლოვანი დაინტერესებული პირის კანონიერი წარმომადგენელი, რეგისტრაციისთვის დადგენილ ვადებში, აუცილებელ დოკუმენტაციასთან ერთად, ექსტერნად რეგისტრაციის თაობაზე განცხადებას რესურსცენტრში წარადგენს შემდეგი წესის დაცვით:

ა) თუ პირი, რომელსაც სურს ექსტერნატის ფორმით ზოგადი განათლების მიღება, სწავლობს სკოლაში – განცხადება მიიღება იმ რესურსცენტრში, რომლის სამოქმედო ტერიტორიაზე მდებარეობს შესაბამისი სკოლა;

ბ) თუ პირი არ სწავლობს სკოლაში – განცხადება მიიღება ნებისმიერ რესურსცენტრში, პირის სურვილის შესაბამისად.

გამოცდებზე რეგისტრაციის მიზნით რესურსცენტრისთვის წარსადგენი აუცილებელი დოკუმენტების ნუსხა:

ა) ექსტერნატის ფორმით განათლების მიღებაზე სრულწლოვანი დაინტერესებული პირის ან არასრულწლოვანი დაინტერესებული პირის კანონიერი წარმომადგენლის განცხადება,რომელშიც სავალდებულოა მითითებულ იქნას შემდეგი ინფორმაცია:

  • ექსტერნატის ფორმით განათლების მიღების მსურველის სახელი, გვარი და საკონტაქტო ინფორმაცია (მისამართი, ტელეფონის ნომერი, ელექტრონული ფოსტის მისამართი);
  • ზოგადი განათლების ცალკეული კლასის/კლასების/სემესტრის , ასევე ცალკეულ კლასში/სემესტრში შემავალი საგანი/საგნები, რომელთა ექსტერნატის ფორმით დაძლევა სურს პირს;
  • ენა, რომელზეც ექსტერნატის ფორმით განათლების მიღების მსურველს სურს ექსტერნატის გამოცდის ჩაბარება (ქართული, რუსული, აზერბაიჯანული, სომხური);
  • უცხოური ენა/ენები, რომელშიც ექსტერნატის ფორმით განათლების მიღების მსურველს უნდა ჩაუტარდეს ექსტერნატის გამოცდა, ასეთის საჭიროების შემთხვევაში;
  • ეროვნული სასწავლო გეგმით გათვალისწინებული არჩევითი საგანი, რომლის ჩაბარებაც სურს ექსტერნატის ფორმით ზოგადი განათლების დაძლევის მსურველს;

ბ) ექსტერნატის ფორმით განათლების მიღების მსურველის დაბადების მოწმობის ან პირადობის დამადასტურებელი დოკუმენტის ასლი;

გ) ზოგადი განათლების ცალკეული კლასის/კლასების/სემესტრის ექსტერნატის ფორმით დაძლევის გამოცდაზე რეგისტრაციის შემთხვევაში, დოკუმენტი, რომელიც ადასტურებს პირის მიერ ზოგადი განათლების იმ კლასის/სემესტრის ზოგადსაგანმანათლებლო პროგრამის ათვისებას, რომელიც წინ უსწრებს ექსტერნატის ფორმით დასაძლევ კლასს/სემესტრს .

დ) იმ შემთხვევაში, თუ პირმა განათლება საზღვარგარეთ მიიღო, შესაბამისი საგანმანათლებლო პროგრამის დაძლევის დამადასტურებელი დოკუმენტი, რომელიც აღიარებული უნდა იყოს კანონმდებლობით დადგენილი წესით;

ე) საშუალო საფეხურის ცალკეულ კლასში/სემესტრში შემავალი საგნის/საგნების ექსტერნატის ფორმით დაძლევის გამოცდაზე რეგისტრაციის შემთხვევაში, სკოლის მიერ გაცემული ცნობა, რომლითაც დასტურდება, რომ პირმა ზოგადი განათლების საშუალო საფეხურის ცალკეულ კლასში/სემესტრში შემავალი საგნის/საგნების ზოგადსაგანმანათლებლო პროგრამა უნდა დაძლიოს ექსტერნატის ფორმით.

ქვეყანაში ახალი კორონავირუსის გავრცელების პრევენციის მიზნით:

  • წინმსწრები კლასის დაძლევის თაობაზე ცნობას ზოგადსაგანმანათლებლო დაწესებულებები გასცემენ სკოლის საქმისწარმოების წესის შესაბამისად - როგორც მატერიალურად, ისე - დისტანციურად, ექსტერნზე რეგისტრაციის მსურველის/კანონიერი წარმომადგენლის მიერ სკოლის ელექტრონულ მისამართზე გადაგზავნილი განცხადების საფუძველზე (იხილეთ კერძო სკოლების ელექტრონული ფოსტის მისამართები).
  • ექსტერნზე რეგისტრაციის მსურველს/კანონიერ წარმომადგენელს უფლება აქვს საგანმანათლებლო რესურსცენტრებს ელექტრონულად გადაუგზავნონ განცხადებები თანდართულ დოკუმენტებთან ერთად, ან რესურსცენტრის მიერ დადგენილი წესით, უსაფრთხოების ნორმების დაცვით, მატერიალურად ჩააბარონ რესურსცენტრის წარმომადგენელს. რესურსცენტრი 2 დღის ვადაში დაუდასტურებს განმცხადებელს ელექტრონულ ფოსტაზე განცხადებისა და დოკუმენტაციის მიღებას. ხარვეზის აღმოჩენის შემთხვევაში, განმცხადებელს ეცნობება დაუყოვნებლივ. რესურსცენტრი ექსტერნების რეგისტრაციის ვადის დასრულებიდან 5 დღის ვადაში იღებს გადაწყვეტილებას პირის ექსტერნად რეგისტრაციის ან რეგისტრაციაზე უარის თქმის შესახებ (იხილეთ საგანმანათლებლო რესურსცენტრებისა და ზოგადსაგანმანათლებლო დაწესებულებების ელექტრონული ფოსტის მისამართები).

შეკითხვების შემთხვევაში გთხოვთ დაუკავშირდეთ საქართველოს განათლებისა და მეცნიერების სამინისტროს ცხელ ხაზს: (995 32) 2 200 220.

წაიკითხეთ სრულად